Заяаны хань зам дээр гээд л олон хүн зөвлөхөөр нь Мисти миний бие заяаныхаа ханийн эрэлд гарваа. Ээжийн найз хүртэл уулзчаад хайгаач гээд байхаар чинь яах юм бээ би? Дуулгавартай, зөөлөн чихтэй юм болохоор Зий гээд л толгойгоо дохиод л хамт гараад л хайж эхэлжийгаагаа харуулж байгаа юм чинь.

Өглөө ажил руугаа замын хажуугаар алхана. Буцахдаа бас алхана Бусад үед алхана. Гоё замтай болохоор чинь бас урамтай ханиа дурандахад бүдрээд унахгүй уг нь ч амар л даа. Тэгсэн чинь эхний өдөр лав дайралдсангүй ээ. Гамаа барих гээд борооны уснаас зугтаад хүн биш зам ширтэж явсаар таарлаа. Замын шалбааганд лав сэлж харагдсангүй. Шумбаж байсныг нь би хараагүй юм болов уу? Хөгжим сонсоод явж байсан болохоор Авраарай гээд хэлснийг нь сонсоогүй өнгөрсөн гэж бодохгүй л байна даа. Уг нь :P

Харин орой хөгжимөө сонсчихсон явж байсан чинь тэр заяаны ханиуд чинь машинтай хажуугаар өнгөрөхдөө ус цацдаг байна ш дээ. Хэн ч надаа тэгж олдог гэж хэлээгүй ш дээ. Ийм ханьтай болохгүй гээд шууд урам хугараад гэр лүүгээ харьчихсан. Орой ч алхаагүй. Дараагийн удаа ус биш намайг шидчихвэл яах юм бээ? :(

Замаар явж болохгүй, замаа хараад явж болохгүй, замаар өнгөрч байгаа хүмүүсийг харж болохгүй, өөдөөсөө ирж байгаа нэгнийг харж болохгүй. Заяаны хань зам дээр биш юм байнаа. Эсвэл тэгж хэлсэн нөхдүүд ханиа зүгээр өөдөөсөө хүрээд ир гээд хэлчихсэн юм болов уу? Заяа, хань, зам гурав лав авцалдаагүй бололтой. Өвөг дээдэс минь андуурчээ. Эртхэн мэдсэн минь яамай. Эс тэгвэл УБ-ын бүх замаар явах хэрэг гарах байлаа ш дээ. :D