Мисти ер нь нээх сүрхий юм бичье гэж боддоггүй юмөө. Чадах ч үгүй байх.:P Гэхдээ саяхан хичээлийн завсарлагаанаар яриад л сууж байхад хүмүүс бид нар ямар хачирхалтай жаахан боддог юм бээ гэж өөрийн эрхгүй санагдсан. :(

Монголчууд өөрсдийгөө агуу дайчин удам судартай Чингис хааны үр сад гээд л аль 13-р зууны түүхээр бахархдаг. Түүх соёл, удам судраараа бахархах нь зүйтэй. Бүгд санаа нийлэх байх. Гэхдээ бас хязгаар гэж нэг юм байдаг даа. Өнгөрсөн бол өнгөрсөн, харыг нь арилгаж цагаанаар нь бүтээснээр нь бахархана. Харин одоо бид өнгөрснийгөө, түүхээ, Чингис хааныхаа нүүрийг улайлгаад байгаа юм биш бээз.

Бүгд л эх оронч үзэл, үндсэрхэг үзэл гээд л том том нэр томъёо яриад л "МУУСАЙН ХЯТАДУУД" гээд л ухайн тас дайрдаг. Тэгвэл тэр үсийг нь босгоод, тэж их уурыг нь хүргээд байгаа ЭХ ОРОНЧ ҮЗЭЛ яг юу юм бэ? Гадаад хүнтэй суухгүй байх уу, гадаадуудтай явалдахгүй байх уу, хятад солонгос хоолонд орохгүй байх уу, хятад бараа авахгүй байх уу? Гадаадынханд зарахгүй байх уу?

Ингээд л тодруулаад л асуугаад байвал дандаа л гадаадынхнаас хамааралтай, хамгаалдсан, хориглосон, сүрдүүлсэн зүйлс гарч ирээд байдаг. Тэгтэл энэ асуултын маань үндэс гол үг нь өөрөө ЭХ ОРОНЧ гэсэн бидэнтэй холбоотой, МОНГОЛ гэсэн үгийг өөрийн болгож илэрхийлсэн сайхан үг байгаад байдаг. Тэгэхээр энэ талаарх ойлголт өөрөө хоорондоо зөрөөд байгаа гэлтэй. Андуу буруу ойлголт гарч ирээд байгаа юм болуу.

Үнэхээр л эх орноо хайрлаж, хамгаалж, хөгжүүлье гэвэл бусад руу дайрч давших бус хамгийн энгийнээс нь өөрсдөөсөө, байгаа орчноосоо эхэлсэн нь гараа зангидаж цохих, гуйлга гуйж сууснаас хайвгүй үр дүнтэй гэж би боддог.

Хамгийн энгийнээсээ гудамжинд алхаж явахдаа гартаа байгаа тэр хаях гэж байсан цаасаа буцаагад л авахад та нэг алхам урагшилна шүү дээ. Яваандаа хот маань хоггүй цэвэр орчин болох ч юм билүү. Тэгвэл төсвийн зардал тэр тал дээр багасан гэх мэтээр бүгд л хоорондоо холбоотойгоор дээшилнэ. Энгийнээс хамгийн энгийн өөрийг байгаа орчиноосоо, өөрөөсөө л.

Бидний Монголчууд хэд билээ. Гэтэл өдөрт хэдэн гэмт хэрэг гарч байна? Нэг нь нас бараад нөгөө нь торын цаана ороход л нийгэм маань 2 хүнээр багасаж байна. Эргээд тэр нь улсын хөгжилдгар бие оруулах 2 хүн хүч, гар, ард нь байгаа ар гэр, үр хүүхэд. Нэгнийгээ хэдэн төгрөгний төлөө хор өгч алж, 1000 төгрөгний төлөөр амь насыг нь бүрэлгэж нөгөө ЭХ ОРОН-ыг бүрдүүлж байдаг ард иргэдээ өөрсдийн гараар цуурүүлээд байж ХЯТАД гэхээр омголон босож ханцуйгаа шуун дайрах юм даа. Тэгсэн мөртлөө Монголчуудаа хайр найргүй, зог тусах ч сөхөөгүй хорлох юм. Хоол хүнс, сэтгэл санаа, мөнгө төгрөг гээд л. :(

За болий. Тууж болох нь хэхэ. :P

Хамгийн энгийн цаас хаяхгүйгээс эхлэхэд яваандаа сайжирна шүү дээ. Эх оронч үзэл гэж өөрсдөөсөө эхлэхээс бусдыг хөөж, хорьсноор лав биш болов уу.

Уншихад илүүдэхгүй нийтлэлүүд байна.

^{Хэт үндсэрхэг үзэл хэрэгтэй юү}

^{Үндэсний үзэл хийгээд Үндсэрхэг үзлийн тухай}